RIGGER WARNING: SENSITIVE CONTENT
ESTUDYANTE NGA MALAPIT LIMA NA KA TUIG NGA NADULA, NAKUTKOT SA ISA KA BOARDING HOUSE SA TAGUM CITY
Tul-an na sang nakutkot ang isa ka dalaga nga estudyante sa ugsaran sang isa ka boarding house sa Barangay Apokon, Tagum City sa Davao Del Norte.
Suno sa Tagum City Police, samtang nagakutkot ang mga trabahador agud maghimo sang septic tank sa nasambitan nga lugar, may nasapwan ang mga ini nga isa ka sako.
Dako na lamang ang kakibot sang mga ini sang ila ginbuksan ang sako nga may sulod nga kalabira kag pila ka mga gamit.
Sa panagupnop sang kapulisan ini ang 17-anyos nga si Quinne Grace Arong nga estudyante sang Liceo de Davao, nga na-missing sang Marso 4, 2020.
Ginpatawag naman ang pamilya sini kag positibo nga ginkumpirma nga ginapanag-iyahan ini sang dalagita ang narekober nga panapton, relo, sapatos, underwear nga yara man sa sulod sang nasambitan nga sako kaupod sang mga tul-an sini.
Mayara naman sang person of interest ang mga otoridad kon sa diin ginapatihan nga ginhimuslan pa ang dalagita bag-o ginpatay.
Photos via Tagum PNP
via K5 News FM Kalibo
Wayne Señerez | Marso 7, 2025
Ini nga balita ginadul-ong sa inyo sang:
D3BIO, DTX500, MIGHTY CEE, DTX COFFEE MIX
Mabibili Sa Clinica De Alternativo Medicina And Wellness Center Inc. – Jaro, Iloilo City Branch Located at 420, E. Lopez St. Jaro, Iloilo City.
MAGPAMATI SA KAMPEON NGA ISTASYON SA ILOILO ANG K5 NEWS FM 88.7
BANDERA NOON, K5 NEWS FM NA NGAYON!
