Mainit-init pa ang mga putahe na ihahain ng ‘Showtime’ family. Binudburan ng love and good vibes para kayo’y happy. Ang appetizer for today, kulitan at hulaan sa ANSABE.
Pinakamasustansya ang performance ng Team Karylle, with MC, Jaze, Darren Espanto at Ion Perez na naka-four points, thanks to their Buli-LIP reader, Kulot.
Mukhang may namumuro na sa FUNishment. Third day na ni Kim Chiu sa paglusot dahil one point lang ang nakayanan ng team niya with Kelsey, Lassy, Jugs Jugueta, Wize Estabillo at Buli-LIP reader, Argus. Be careful what you wish for, Lassy. Sinabi mo kasi na hindi ngakakamali si Amy Perez sa kutob niya na matatalo ang grupo n’yo, ayun, nagkatotoo.
Ang team nina Vice Ganda, Vhong Navarro, Ryan Bang, Teddy Corpuz at Jackie Gonzaga, may pa-pray over pa. Pero kiniliti sila ng langit nang maka-one point lang si Ayesha. Puting-puti pa naman ang mamahaling suot ni Vice na siya mismo ang nagplantsa. Napahubad na lang si Meme kaysa marumihan ang OOTD. Kaso ‘di niya naiwasan ang dumi, dahil ang dumi ay dala-dala raw ni Lassy.
Kung sa pagluluto’y pinaiinit ang kawali, dito sa ‘Showtime Sexy Babe,’ always paiinitin ang inyong tanghali. Unang sumabak sa rampahan si Sexy Babe Ari, na napiling pag-aralan ang field ng aviation. She’s also flying high sa larangan ng pageantry at modeling. At kung siya’y magiging Disney Princess, si Belle ang peg niya. Eh, sino naman ang kay Vice Ganda? Pwedeng little mermaid daw, sabi ni MC, na tinawag na ‘seahorse’ si Meme.
Ang bardagulan ng dalawang magkaibigan, nauwi sa mala-pageant na tanungan. Hindi nagpakabog ang nag-iisang Vice Ganda, na naniniwalang hindi palaging sapat na ang beauty, kailangan din maging brainy.
Aspiring public servant naman si Sexy Babe Shantal. Hindi man pinalad sa unang subok, unti-unti na niyang nakikita na ang pagkatalo ay pwede ring maging aral na bubuo sa kan’yang pagkatao. Suki rin siya sa pagiging muse sa mga liga ng basketball. Paano nga ba umangat bilang muse? Meme, sample!
Ahh, kailangan pala kakaiba ang rampa! Eh, mukhang ginagawa rin ‘yan ni MC, at si Paul Salas mismo ang nagsabi. Hirit tuloy ni Meme, sana maalala ni MC na mas matanda pa siya kaysa sa tatay ng aktor na hottie. Pati si Chelsea Manalo, gustong labanan ni MC sa paseksihan. Dahil d’yan, si Chelsea na lang ang humingi ng fitness tips for a figure na nakaka-binibining marikit. Bakit hindi na lang natin tanungin ang isa pang binibini blessed with sexy body at ganda, si Ariella Arida.
Spontaneous ang mga kaganapan sa talent portion ng ‘Showtime Sexy Babe 2025.’ Level up ang dancing ni Sexy Babe Shantal, na sinamahan nina MC at Lassy sa dance floor. Sweet harana para sa madla, ‘yan naman ang inihanda ni Sexy Babe Ari.
Sa Q&A na may temang tungkol sa mga magkasintahan na may magkaibang pananaw at paninindigan, mga sagot nina Ari at Shantal ay sobrang malaman.
Samantala, malaman rin ang mga ‘irap’ ni Vice Ganda. Ang babe kasi niya, Ion Perez, kinakiligan ng mga miss. Biro ni Meme, joke ni Ion ay waley, pero sadyang bet lang siya ng mga babae.
Sino sa dalawang ‘Sexy Babe’ ang bet ng Sexy AuthoriTeam?
Todo-bigay sa pagkanta ang mga singers na nakamaskara. “Hataw Na,” sabi ng tatlong TagoKanta, finlex ang talent sa singing and a bit of dancing sa Round 1 ng ‘Hide and Sing.’
Trabaho nila ay magpatawa, pero hindi joke time para kina Divine Tetay at Iyah Mina ang panghuhula. Binalaan ba naman ni Vice Ganda. ‘Pag olats, eh ‘di wala raw silang talent fee na makukuha. Sa unang round pa lang, ramdam na ni Iyah si TagoKanta 3, na very Bugoy Drilon daw ang boses at kilos. Si Bugoy nga ba ang celebrity singer na nang-e-echos?
Pagdating sa Round 2, ‘Kisapmata’ ang inawit ng unang TgoKanta. Flawless din ang “Ikaw Na Nga” ni TagoKanta 2. Fun jamming naman ang hatid ni TagoKanta 3 with “Pare Ko.”
Ang matinding hulaan, muntik nang mauwi sa bangayan. Uy, MC at Tetay, acting lang, ha? Walang personalan. Parang sina Lassy at Ryan Bang, na halos magkahalikan nang ilapit ni Vice Ganda ang mga mukha nila sa isa’t-isa.
Heto na nga! Hanggang dulo, ang choice ng players ay ‘di nagbago. Kung boses mo ba naman ay markado, tulad ng kay Bugoy, malaki ang chance na ikaw ay mabisto. Tumpak sina Tetay at Iyah. Si TagoKanta 3 ay si Bugoy nga! In 3, 2, 1… paano na kayaaa! Teka, si Vice Ganda, parang namalikmata. Akala niya hindi si Bugoy, kundi si Erwan Heussaff ang kan’yang nakita!
Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.