Nakaresibe ki certificate of commendation asin cash assistance an sarong empleyado kan Civil Security Unit sa Legazpi City Hospital na si alyas “MJ” makalihis kaining madakop an snatcher kan cellphone kan sarong pasyente.
Istorya kaini sa Brigada News FM Legazpi, mantang naka-duty siya, sarong bantay nin pasyente sa ward an nagtaram na may nakalaog na parahabon asin may nawawarang cellphone.
Duman ninda nariparo an sarong lalaki na naka-jacket asin nagkurukunwaring may pasyente man na pigbabantayan.
Binukod niya ini katuwang an sarong utility sa opsital sundo sa tinampo, alagad nabayaan sinda nin huli sa rekas kan pagdalagan kan snatcher.
Maray na sana ta may uminaging kotse asin bibangga kuta an snatcher makalihis sindang magparakurahaw na “mabas” kaya ini nadakop.
Mientrastanto, segun man kay Chief Civil Security Unit Elmer Olabario, saro siya sa mga nagin proud orog na ta pang-apat na beses nang nangyari an insidente sa nasambit na ward.
Dugang pa kaini, mas maray kung igwa ki blue guard sa ospital tanganing mas maging mahigot asin magkaigwang inspection sa mga maralaog sa ospital.
Pagirumdom ninda, iagi sa matanos na paagi an pagkabuhay nin huli ta makaherak an mga tawong nabibiktima, dugang pa an pagiging alerto asin maging sain man magduman.